Kontiolahti 16.3.2014:

Johannes Thingnes Bø med siger også på jaktstarten.

Johannes Thingnes Bø vann også jaktstarten i Kontiolahti. Arkivfoto: Anders Vonheim

Johannes Thingnes Bø tok sin tredje strake verdscupsiger i Kontiolahti då han vann jaktstarten i dag. Dermed er han den einaste løparen som har vunne fem renn så langt i sesongen.

I vanskelege vindforhold opna Johannes svært godt på standplass med to feilfri liggjande seriar og berre ein bom på den første ståande serien. Med god fart i løypa opparbeida han seg ei leiing på over eit minutt. Det kom godt med for på siste skyting vart det fire strafferundar. Likevel klarte Johannes å halde unna for konkurrentane. Martin Fourcade frå Frrankrike følgde på andreplass, 16 sek bak med tre rundar. Bjørn Ferry tok tredjeplassen 20 sek bak medan Lars Helge Birkeland vart nummer fire 25 sek bak.

Vi gratulerer med nok ein verdscupsiger!