Sjusjøen 5.1.2013:

Fine plasseringar under Norgescupløpa på Sjusjøen

Det vart fleire fine plasseringar til utøverane frå Markane IL under dagens skiskyttarsprint på Sjusjøen sjølv om ingen av dei klatra heilt opp på pallen i dag.

Beste plassering i dag fekk Lars Midthjell Gjørven (foto) som kom på 6. plass i klasse menn 18 år. Med to strafferundar på den ståande skytinga var han 1 min 49 sek etter klassevinnaren Lars Gunnar Skjevdal frå Røros IL/Team Statkraft Nord-Østerdal. Ole Andreas Flotten frå Oppdal IL/NTG-L kom på andreplass 34,3 sek bak medan Isak Flo Bødal frå Stårheim IL/Team Statkraft Nordfjord kom på tredjeplass 52,2 sek bak.

I klassa for menn 19 år kom Johan Eirik Meland frå Markane IL/Team Statkraft Nordfjord på ein 8. plass. Han fekk ein runde på den ståande skytinga og var 1 min 3 sek etter vinnaren Kristian Andre Aalerud frå Bærum skiklubb/NTG-G. Fredrick Mack Rørvik frå Målselvs skiskyttere/NTG-L kom på andreplass 14.8 sek bak vinnaren medan Vemund Ravnsborg Gurigard frå Vingrom IL følgde som nummer tre 40.6 sek bak.

I klassa for menn 17 år kom Georg Kristian Halsteinslid på 37.plass. Han var 3 min 22 sek etter vinnaren med totalt tre strafferundar under dagens løp. Klassevinnar her vart Even Nordbø frå Fyresdal SSL/ NTG-G.

I klassa for menn 20-21 år kom Jarle Midthjell Gjørven på 28. plass. Han fekk ein strafferunde på liggande skyting og skaut fullt på ståande. I mål var han 2 min 20 sek etter klassevinnaren Håvard Gutubø Bogetveit frå Førde IL.

Med fleire svært jamne klasser ligg alt an til ein spennande jaktstart når norgescupen held fram i morgon.

Resultatliste DNB cup 3/Statkraft cup 2 Sjusjøen 05.01.2013 klasse menn 17 år

Resultatliste DNB cup 3/Statkraft cup 2 Sjusjøen 05.01.2013 klasse menn 18 år

Resultatliste DNB cup 3/Statkraft cup 2 Sjusjøen 05.01.2013 klasse menn 19 år

Resultatliste DNB cup 3/ Statkraft cup 2 Sjusjøen 05.01.2013 klasse menn 20-21 år