Fjerde VM-gullet på rad til Johannes Thingnes Bø!

Johannes Thingnes Bø tok sitt fjerde gull på rad i VM då han gjekk inn til gull på normaldistansen. Tarjei Bø vart nummer sju.

Johannes starta med fullt hus på første skyting. På den første ståande skyting vart det ein bom og eitt minutt i tillegg, det same gjorde det på den tredje skytinga. Likevel var differansen frå Johannes opptil Fillon Maillet i teten på berre 48 sekund, og sjansen til ei topplassering var framleis god.

Johannes gjekk ein rask mellomrunde, og då siste skyting gav fem blinkar rett ned, samstundes som franskmannen fekk ein bom, var Johannes i leiinga og etter at alle var i mål heldt det til nok eit fantastisk gull.

Også Tarjei Bø låg bra an til eit godt løp. Det vart ein bom på første liggande skyting, men med to fulle hus deretter gjekk han ut som nummer fem, om lag halvminuttet bak bronsen. Eitt tilleggsminutt på siste skyting gjorde at  i mål vart det til slutt ein solid sjuandeplass.