Ullsheim 21.1.2014:

116 deltakarar på sesongens første cuprenn!

Blide jenter som deltok i klassen 11-12 år. Frå venstre: Emilie Flo Stavik, Emma Njøten og Maren Hjelmeset Kirkeeide. Foto: Margunn Hjelmeset

Heile 116 deltakarar stilte til start då det første av sesongens fem cuprenn vart arrangert på Ullsheim tysdag kveld. I tillegg til mange deltakarar Markane IL var her også deltakarar frå Hornindal, Eid, Stårheim, Heggjabygda, Veten, Hardbagg og Fjellhug/Vereide.

Årets første renn gjekk i fri teknikk. Rennet var også lagsmeisterskap for Markane IL for klassane 11 år og oppover.

Som vanleg var det aller flest som stilte opp i dei yngste klassane. Heile 25 var med i klassa opp til åtte år og 22 deltok i 9-10 års klassa. I yngste konkurranseklasse 11-12 år var heile 28 løparar på startstreken, 16 gutar og 12 jenter. Ein stor auke frå tidlegare spesielt i jenteklassa. I klassa for 13-14 åringar stilte det opp 11 deltakarar medan 15-17 åringane denne gongen fekk eiga klasse på grunn av den store deltakinga med heile 20 på startstreken. Minst deltaking var det i seniorklassane med totalt seks konkurranseløparar og to trimdeltakarar. Her er det plass til endå fleire. To deltakarar leverte også flotte løp i FH-klassane.

Vinnar i G11-12 år vart Oskar Guddal Breivik som også vart lagsmeister i G12. I G11 blei John Erlend Bø lagsmeister. I J11-12 år vann Ingrid Heggen. Maren Hjelmeset Kirkeeide vart lagsmeister i J11. Anne-Marie Roset vann klassa for J13-14 og vart lagsmeister for J14. Simon Hjelmeset Kirkeeide vann klassa for G13-14 år og vart lagsmeister i fri teknikk for G14 medan Magnus Midthjell Gjørven vart lagsmeisterskap i G13. I klassa J15-17 vann Sigrid Flo Bødal medan Kristin Heggen vann klassa for kvinner 18-. Ingen frå Markane IL deltok i desse klassane. I klassa G15-17 vann Isak Hopland. Lagsmeister for G15 vart Aksel Mathias Meland, Odd Sindre Tonning vart lagsmeisterskapet i G16 og Gaute Bø i G17. Alfred Tytingvåg vann klassa for menn 18-. Lagsmeister her vart Isak Fotland Fænn.

Neste renn i cupen er alt tysdag 28. januar. Då i klassisk stil.

Foto frå rennet er lagde ut nedanfor. Fotograf er Margunn Hjelmeset.

Resultatliste for cuprenn 1 i fri teknikk. Dato: 21.01.2014 -oppdatert

Resultatliste for lagsmeisterskap i fri teknikk. Dato: 21.01.2014

Startfeltet i klasse 13-14 år. Foto: Margunn Hjelmeset

Amund Bakke i farta i løypa. Lengst bak i biletet kjem Oliver Veka Brath.

Malin Guddal Sunde.

Katrine Svarstad Heggdal i løypa.

Olina Svarstad Heggdal var ein av deltakarane i yngste klasse.

Helga Linnea Øvre-Flo var ein av dei 25 deltakarane i klassa 8 år og yngre.

Synne Brynestad Erdal i fint driv i løypa.

Amund Bakke vel i mål.

Oliver og  Marius Veka Brath mot mål.

Jesper Svarstad Hole

Kornelia Trøsken.

Elias Guddal Sunde, Hedda Garlid Hilde og Emma Njøten får seg mat etter rennet.

Tre av deltakarane i klassa gutar 11-12 år. Frå venstre: Daniel  Langeset, Eirik Bjørlo Sandbakk og Preben Osvold Sunde.

Rasmus Hopland vart nummer fire i klassa gutar 13-14år

Magnus Seljeset og Martin Aaland i duell om andreplassen i klasse G13-14år.

Magnus Midthjell Gjørven og Eskil Kveen kjempar om femteplassen i G13-14 år.

Ingrid Meland, Hildegunn Midthjell Gjørven og Anders Meland servert frukt og anna godt ved målgong.