Khanty Mansijsk 17.03.2012

5.plass til Tarjei Bø på jaktstarten

Tarjei Bø kjem stadig nærare pallen i verdscupavslutninga i Khanty Mansijsk. Etter sjetteplass på sprinten i går var det endå ein plass betre på jaktstarten. Tarjei kom i mål til ein femteplass. Han var 1 min 23 sekund etter vinnaren Martin Fourcade frå Frankrike.  Arnd Pfeiffer kom på andreplass medan Emil Hegle Svendsen gjekk seg opp til tredjeplass.

Tarjei gjekk bra i løypa og skaut fullt på begge dei liggjande skytingane. På første ståande skytinga kom det to bom som øydela moglegheita for ein pallplass. Siste ståande skyting var det også fullt hus. Dermed skulle det vere gode sjansar for nok ei god plassering i morgondagens fellesstart som vert det siste verdscupløpet denne sesongen.

Med dagens femteplass enda Tarjei Bø på var det ein fjerdeplass i årets jaktstartcup. Martin Fourcade vann også jaktstartcupen samanlagt. Før det siste løpet i verdscupen ligg Tarjei på sjuandeplass i samandraget, men med eit godt løp i morgon kan det vere mogleg å avansere ein plass eller to.