Kategori
Hopland 28.9.2014:
Postet av Markane IL den 29. Sep 2014
Simon Hjelmeset Kirkeeide og Svein Arne Lødemel klassevinnarar i Kleiva Opp!
Simon Hjelmeset Kirkeeide vann klasse G14-15år under Kleiva Opp. Foto: Margunn Hjelmeset, 2011
To deltakarar stilte til start for Markane IL under Kleiva Opp 2014 og begge gjekk til topps i sine klasser.
Simon Hjelmeset Kirkeeide vann klasse G13-14. Han fullførte kortløypa på 21 min 21 sek og var med det raskast av alle som deltok i den kortaste løypa. Nummer to i klassa vart Vegar Skrede som var i mål til 22 min 13 sek. Johan Olav Botn kom på tredjeplass med 23 min 24 sek.
I klasse herrar 35-39 vann Svein Arne Lødemel klart på 42 min 13 sek. Andreplassen gjekk til Tore Neset som var i mål på 48 min 22 sek medan Marcus Vedeler vart nummer tre med 48 min 49sek.
Maren Hjelmeset Kirkeeide som i friidrettssamanheng representerer Stryn T&IL, deltok i den yngste jenteklassa.
Totalvinnar av løpet vart Erlend Drivenes (H20-34) som var i mål til 31 min 5 sek. Dette heldt også til ny løyperekord. Dameklassa vart vunnen av Merete Helgheim (K20-34) på 39 min 13 sek.
I alt deltok 43 løparar og 9 syklistar i konkurranseklassane. I tillegg kom ein stor delegasjon med mosjonistar.
Kommentarer
Logg inn for å skrive en kommentar.