Påminning:

Den ordinære påmeldingsfristen til Fjord-o-Vest er 1.juli!

Fjord-O Vest har i år mottoet frå bre til hav.

Det første løpet finn stad i Kråkenesmarka i Førde onsdag 30. juli. Dagen etter blir det løp på øya Værlandet i Askvoll kommune, med havet som kulisse. Etter ein fridag 1. august med diverse aktivitetstilbod (sjå nettsidene), går løp nr 3 frå Langeland skisenter sør for Førde den 2. august. Den dagen er det også NM Ultralangdistanse på same staden. 

Så langt er det 450 påmelde til laurdagen. Fjerde og siste løp går under Bøyabreen i Fjærland søndag 3. august. Dette bør ikkje idretts- og friluftsinteresserte gå glipp av.

For meir informasjon sjå nettsida http://fjord-o.no/2014/?lang=no . Du kan også klikke deg inn via Fjord-O vest 2014 sin logo som ligg på heimesida til o-krinsen. Fjord-O vest legg elles stadig ut nye oppslag på Facebook.

Dette er det største o-arrangementet i fylket i år, så meld deg på!

Viss du ikke har tilgang til Eventor, kan du kontakte Grete Zachariassen, grete.zac@gmail.com eller mobil 90 18 21 68 så vert det ordna med påmelding. Hugs at den ordinære påmeldingsfristen går ut 1. juli kl.2359. Det vert høve til å etterpåmelde seg fram til 15. juli mot eit tillegg i prisen.

Sjå elles innbydinga til Fjord-O-Vest 2014:

Innbyding Fjord-o-Vest 2014.