Langeland 1.2.2013:

Lars Midthjell Gjørven og Simon Hjelmeset Kirkeeide KM-vinnarar!

Simon Hjelmeset Kirkeeide (Foto: Fjordingen) og Lars Midthjell Gjørven (Foto: Team Statkraft Nordfjord) vann kvar si klasse under KM-friteknikk på Langeland.

Både Simon Hjelmeset Kirkeeide og Lars Midthjell Gjørven vann sine klasser då KM fri teknikk vart arrangert på Langeland i dag.

Simon Hjelmeset Kirkeeide vann klassa G13 suverent med heile 56 sekunds margin ned til andremann Kent Ove Sæten, Hyen IL, i den 3 km lange løypa. Heile 14 løparar var med i 13-årsklassa. Lars Midthjell Gjørven vann KM 10 km fri teknikk i klassa M18 med endå større sigersmargin. Heile 1 min 24 sekund skilde ned til sølvvinnar Eirik Hovland frå Årdalstangen IL.

Markane IL sine tredje deltakrar på dagens KM Johan Eirik Meland kom på ein fin femteplass i klassa M19/20 år. Gjøran Tefre frå NTG-G/Førde IL vart klassevinnar.

KM-helga held fram med KM sprint på laurdag og KM klassisk stil på søndag.

Komplett resultatliste frå dagens KM-øving nedanfor:

Resultatliste KM fri teknikk Langeland 1.2.2013