Vik 27.1.2013:

Tre klassevinnarar på LM normaldistanse. 

 Tre løparar gjekk heilt til topps i sine klasser i LM skiskyting i Vik. Frå venstre: Magnus Midthjell Gjørven vinnar av G12 (Foto: Margunn Hjelmeset, cupen 2012), Lars Midthjell Gjørven vinnar av menn 18 år (Foto: Team Statkraft Nordfjord, 2012) og Johan Eirik Meland vinnar av menn 19 år (Foto: Team Statkraft Nordfjord, NC-avslutning 2012)

Også i dag var det god innsats då LM i Vik heldt fram med normaldistanse. Løparar frå Markane IL sigra i heile tre klassar. For andre dag på rad gjekk Johan Eirik Meland til topps i klassa for menn 19 år. Han vann med heile 56 sekunds margin ned til Joar Turvoll frå Vik IL som vart nummer to. Begge fekk fire tilleggsminutt.

Lars Midthjell Gjørven vann klassa for menn 18 år. Han delte sigeren med Trygve Aaland Tryggestad frå Sunnylven IL. Begge fullførte dei løpet på 43 min 10 sek.

Også Magnus Midthjell Gjørven hadde sekunda på si side i dag og vann si klasse, G 12 år. Han var fem sekund føre Otto Femsteinevik frå Hålandsdal IL.

Dei andre løparane frå Markane plasserte seg slik: I klassa for G11 vart Oskar Guddal  Breivik nr 2 og Sigurd Fotland Fænn nr 9. Simon Hjelmeset Kirkeeide vart nummer 5 i klasse G13 medan Aksel Mathias Meland kom på 8. plass i G14. Odd Sindre Tonning vart nr 2 og Håkon Midthjell Gjørven nr 5 i klassa for G15 medan Gaute Bø vart nr 4 i klassa for G16 år. Maren Hjelmeset Kirkeeide og Emilie Flo Stavik deltok i nybyrjarklassa for jenter 10 år og yngre og imponerte nok ein gong med feilfri skyting.

Emilie Flo Stavik og Maren Hjelmeset Kirkeeide leverte flott innsats i nybyrjarklassa for jenter. Foto: Ingrid Meland

Komplett resultatliste for dagens normaldistanse på LM er lagt ut nedanfor:

Resultatliste LM skiskyting normaldistanse 27.1.2013 Arrangør: Vik IL

Fleire foto frå LM i Vik er lagt ut nedanfor:

Emilie Flo Stavik i løypa. Foto: Ingrid Meland

Deltakarar i klassa G11 år. Frå venstre: Sigurd Fotland Fænn, Oskar Guddal Breivik og Lasse Flo Bødal.

Trygve Aaland Tryggestad og Lars Midthjell Gjørven delte sigeren i klassa menn 18 år. Foto: Ingrid Meland

Johan Eirik Meland vann både sprinten og normaldistansen for klasse menn 19 år. Foto: Ingrid Meland

Magnus Midthjell Gjørven vann normaldistansen for klasse G12. Foto: Ingrid Meland