Sandnes 20.07.2012:

Johannes Thingnes Bø vann skytedullen på Blinkfestivalen!

Johannes Thingnes Bø og Claire Breton vann skyteduellane under årets BLINK-festival. Foto: Skiskyttarfestivalen BLINK 2012.

Johannes Thingnes Bø gjekk heilt til topps under skyteduellen på årets BLINK-festival. Johannes innleia med ein fjerdeplass i si pulje i kvartfinalen og kvalifiserte seg dermed til semifinalen. I semifinalen vann han si gruppe klart, og dermed var det klart for finaleskyting.

I finalen fekk Johannes ned alle blinkane i løpet av 23,5 sekund. Andreas Mjåland tok andreplassen 3,9 sekund bak medan Tommy Grøtte vart nummer tre. Johannes var også raskast i skytinga mot vinnaren av kvinneklassa Claire Breton frå Frankrike.

Det vart også arrangert fellesstartar under BLINK-festivalen fredag. Her kom Johannes Thingnes Bø på ein fin 10.plass og var dermed berre 7 sekund unna ein plass i finalefeltet.

Resultat frå BLINK-festivalen fredag 20.7.2012 finn du nedanfor. BLINK-festivalen held fram laurdag med supersprint for skiskyttarane. Sjå også BLINK-festivalen si heimeside for foto m.m frå årets arrangement. 

Resultatliste skyteduellen Blinkfestivalen 20.07.2012

Resultat fellesstart menn Blinkfestivalen 20.07.2012