Olden 29.04.2012:

God deltaking i årets Oldestafett.

Markane sitt herrelag kom på tredjeplass i Oldestafetten. Frå venstre: Sigbjørn Fænn, Runar Netland, Johannes Thingnes Bø, Jarle Midthjell Gjørven og Johan Eirik Meland. Foto: John Roger Meland

29 lag stilte til start i den 58. Oldestafetten. I tillegg deltok 9 lag i ministafetten. Markane IL hadde i alt fem lag med, tre gutelag, eitt herrelag og eit i open klasse.

I guteklassa sprang Markane I inn til ein fin sjetteplass. Det var svært jamnt og det skilde berre 10 sekund fram til vinnarlaget Hornindal II. Markane II kom på ein 9.plass medan Markane III vart 11.

I herreklassa kom laget frå Markane på ein tredjeplass. Jølster  IL vann klassa. Det vart også tredjeplass til "Skiskyttarmødrene" som stilte opp i open klasse. Vinnar her vart "Fabelaktige fem".

Markane hadde heller ikkje i år med lag i jente- eller dameklassa. Vinnar av jenteklassa vart STIL medan GFIL gjekk til topps av damelaga.

"Skiskyttarmødrene" kom på tredjeplass i open klasse. Frå venstre: Aslaug Thingnes Bø, Ingrid Meland, Margunn Hjelmeset, Magnhild Hauge og Kari Tonning. Foto: John Roger Meland

Resultat Oldestafetten 2012

Fleire foto nedanfor:

Deltakarane frå Markane IL. Foto: John Roger Meland

Georg Halsteinslid sprang for Markane I som kom på sjetteplass. Foto: John Roger Meland