Holmenkollen 22.3.2014:

12. plass til Johannes Thingnes Bø på jaktstarten

Johannes Thingnes Bø kom på 12. plass i jaktstarten. Foto: TSN

Johannes Thingnes Bø gjekk ut på dagens jaktstart som nummer 18. Med fullt hus på første skyting gjekk han seg raskt oppover lista, men på dei tre neste seriane vart det ein bom på kvar. Dermed vart det eit løp på det jamne inn til ein 12. plass. Dette heldt til å vere beste norske i dag. I mål var Johannes Thingnes Bø 1 min 20.7 sek etter vinnaren Simon Eder frå Austerrike. Alexandr Loginov frå Russland vart nummer to, 12.7 sek etter vinnaren, og Bjørn Ferry frå Sverige nummer tre, 20.7 sek bak.

I kampen om ein pallplass i verdscupen samanlagt tok Johannes tilbake andreplassen. Før det siste løpet har han tre poeng å gå på til Emil Hegle Svendsen som er på tredjeplass samanlagt.