Holmøyane 13.6.2013:

Resultat frå sesongens tredje nær-o-løp

Totalt 15 løparar deltok då Von IL arrangerte sesongens tredje o-løp. 12 av dei 15 o-løparane som stilte opp kom frå Markane.

I o-troll klassa var det med to deltakarar: Fride Nesje og Marthe Gjøvåg Heggestad. Søstrene Kristin og Karoline Almskår leverte flott innsats i 1,5 km-løypa. Også i 2,5 km var eit søskenpar i aksjon. Elias og Nikolai Dispen Lødemel fullførte løypa i fin stil og kom begge i mål på 79.45. I denne løypa stilte også Amanda Gjøvåg Heggestad (foto), Hilde Gjøvåg og Elias Bergset (Veten).

Aslaug Thingnes Bø var raskast gjennom løypa på 3,7 km og kom i mål på 84.30. Her deltok også Irene Kroken Bergset (Veten). I den lengste løypa på 4,4 km vart det klassesiger til Anders Bergset frå IL Veten med tida 50.30. På dei neste plassane kom markarar på rekkje med Kåre Bøe på andreplass med 52.00. Vigdis Sætren på tredje med 64.00 og Per Øen på fjerde med 74.30.

Markane IL er arrangør av neste løp som er 20. juni med start frå Sætren. Då forhåpentlegvis med endå fleire på startstreken. Resultatliste for løpet er lagt ut nedanfor. Det er også samanlagtlista for dei tre første løpa.

Resultatliste for nær-o-løp 3 Dato 13.6.2013 Arrangør Von IL

Samanlagtliste nær-o-løp 2013 løp 1-3