Geiranger 15.6.2013:

3. plass til Johan Eirik Meland i M19-22 i Nibbeløpet

Johan Eirik Meland frå Markane IL kom på 3.plass i M19-22 i Nibbeløpet.  Til venstre i bilete Tomas Andersen frå Team Salomon (nr 6 i M23-39) og til høgre Helge Kvam Karbø frå Sunnylven IL som vart nr 4 i M17-18. Foto: Frank Maråk.

Nibbeløpet vart arrangert for 20. gong. Det 21 km lange motbakkeløpet har start i Geiranger og går opp Dalsnibba med mål 1500 m.o.h. Sykkelversjonen Nibberittet vart arrangert for 14. gong. Inkludert miniarrangementa for dei yngste var det omlag 750 deltakarar.

Einaste deltakar frå MIL var Johan Eirik Meland. Han fullførte dei 21 kilometerane i motbakke på 1 t 58 min og vart nummer tre i klassa M19-22. Klassevinnar vart Karl Rønnby frå Enhørningen IF med 1 t 41 min 13,4 sek.

Vinnar av løpet totalt vart Thorbjørn Ludvigsen frå BFG Bergen med 1.30.42. Dameklassa vart vunnen av Anna-Louise Coulter frå Koll med 2.00.45. Vinnarar av sykkelløpet vart Åsmund Romstad Løvik frå TVK og Borghild Løvset frå Orkla CK.

Resultatliste for Nibbeløpet og Nibberittet 15.6.2013