Nær o-løp nr. 6 ved Svingeset

O-sesongen startar opp att etter sommarferien, og første nær o-løpet blir torsdag 13. august ved Svingeset. 

Løpet blir på kartet "Langeset" som var nytt ifjor. Terrenget aust/sør-aust for Svingesetvatnet. Det er plass til nokre bilar på samlingsplass, elles blir det å parkere langs vegen frå Svingeset-tunet og ned til elva. 

Start blir frå kl. 17.30. Løypeleggarar er Gisle Bøe.

A-lang: Erfaren. Passar alle som har ein del og god erfaring med orientering.

A/B-kort: Erfaren. Passar alle som har ein del og god erfaring med orientering.

C-løype: Avansert nybyrjar. Passar alle som har litt erfaring med orientering og beherskar nybyrjarløyper.

N-løype: Nybyrjar - veldig lett. Passar alle som er nye i orientering.

Påmelding:

Vi ønskjer at flest mogeleg melder seg på før løpet. Ein melder seg på i eventor her. Du kan registrere både deg sjølv og barna ved å opprette ein brukar. Om du ikkje får det til så er det sjølvsagt mogeleg å melde seg på ved start også. 

Pris:
30 kr for barn t.o.m. 15 år
50 kr for vaksne (over 16 år)
Vipps til #641339

Vi har elektroniske brikker til utlån for dei som ikkje har sjølv. Du vel sjølv om du vil bli tatt tid på eller ikkje.

I år arrangerer Markane IL og Veten IL ti nær o-løp ilag, og det blir ein fin premie på slutten av sesongen for dei frå Markane IL som deltek på fem orienteringsløp eller meir.

Dersom du vil vite meir om kva som skjer denne o-sesongen kan du følgje O-Nordfjord på facebook for meir informasjon.