Turorientering 2020 har starta

IL Veten og Markane IL er i gong med turorientering for sesongen.

Tradisjonelle konvoluttar med kart og klippekort kan kjøpast på Esso Stryn Bensinstasjon, Ytre-Eide Sport 1 og Coop Fjelli. Nytt av året er at ein alternativt kan bruke TurOrientering.no til å kjøpe kart og registrere postane. Eller ein kan bruke appen TurOrientering på smarttelefonen. Den kjem det ny utgåve av i løpet av veke 28.

På postane heng det i år ikkje klippetenger, men står ein kode som ein skriv ned på kontroll-/klippekortet eller ein legg den inn i appen TurOrientering eller registrerer posten på TurOrientering.no.

Årets Turorientering er fordelt på fem områder: Tverrfjellet, Vangen Vest, Stryn (Tonningskamben) , Faleidsstøylen og Ullsheim. Til saman 40 postar ligg ute i terrenget fram til 12. oktober.

Orienteringsgruppene i IL Veten og Markane IL ønskjer alle ein god sommar og god turorientering!