Turorientering 2025

IL Veten og Markane IL held fram med samarbeidet og tilbyr også i 2025 turorientering i indre Nordfjord. Det er Henning Heimlid og Anders Bergset som har ordna med turorienteringa også i år. Tusen takk til dei for dette flotte arbeidet!

Postane er fordelt på tre områder: Markane - Kjølen, Nordsida og Stryn.

På Markane-Kjølen fordelar postane seg langs den gamle postvegen, og på ryggen som går vestover mot Gråberg.

På Nordsida er postane fordelt over eit stort område og kan gjerne kombinerast med andre turar og kulturopplevingar.

I Stryn ligg postane langs Vikaelva mellom Stryn sentrum og Hydla.

Vi håpar dette skal gje varierte turar og terreng, og at det motiverer både små og store til turar i skog og fjell. 

For dei som samlar poeng for merke er merkekrava:

0-16 år : Bronse: 50 poeng, Sølv: 81 poeng, Gull: 115 poeng.

17 år og eldre : Bronse: 100 poeng, Sølv: 121 poeng, Gull: 151 poeng.

Totalt er det muleg å samle 198 poeng.

Postane ligg ute frå 14. juni - 14. oktober.

Les meir og kjøp kart på turorientering.no