Setretrim 2014:

Ny rekord for Setretrimmen

Simon Hjelmeset Kirkeeide vann i år som i fjor, klasse G13-17 og sikra seg dermed eit setretrimtroll. Foto: Margunn Hjelmeset

 Det vart ny deltakarrekord for Setretrimmen 2014. I alt vart det registrert 5754 besøk i løpet av sesongen. Dette er ein auke på nesten 900 besøk i høve i fjor. I alt ni setrar inngår i setretrimmen: Florehytta, Jutdalsetra, Gråberg, Faleidestøylen, Maursetsetra, Grendasetra, Øyesetra og Holsetra. Mest besøk var det også dette året på Holsetra med totalt 3020 registreringar.

Flest poeng av alle samla Aud Gjendem Gjørven. Ho vann dameklassa med 275 poeng. Per Jakob Kyrkjeeide vann herreklassa med 146 poeng. I ungdomsklassane vart det siger til Simon Hjelmeset Kirkeeide i G13-17 med totalt 42 poeng. Anita Langeset vann klassa for J13-17 med 14 poeng. I klasse G 7-12 vann Magnus Johan Bøe med 30 poeng. Maren Hjelmeset Kirkeeide vann klassa J 7-12, også ho med 30 poeng. I dei yngste klassane vann Ane Hjelmeset Kirkeeide klasse J 0-6 med 41 poeng. Ludvig Loen vann klasse G 0-6 med totalt 12 poeng.

Alle dei åtte klassevinnarane fekk kvar sitt setretrimtroll for innsatsen.

Resultatliste for årets setretrim er lagt ut nedanfor. I seniorklassane er det teke med alle som oppnådde minst 10 poeng. I klassane under 18 år er alle med minst to poeng tekne med.

Resultatliste for Setretrimen 2014 -korrigert.