Junior-NM i langrenn i Selbu:

Under junior-NM i langrenn i Selbu var det i dag gått 10 km. Sjølv om dagens løp gjekk i klassisk stil, gjorde skiskyttar Johannes Thingnes Bø nok eit sterkt renn. Han gjekk seg inn til ein god 7.plass av dei i alt 163 startande i klassa for menn 18 år. I mål skilde det 42 sekund opp til dagens vinnar Magnus Stensås frå Lundamo IL.

Markane IL hadde også to andre løparar på start i junior NM. Jarle Midthjell Gjørven vart nummer 94 medan Johan Eirik Meland vart nummer 117 av dei 156 startande i klassa menn 17 år. Vinnar her vart Erik Lippestad Thorstensen frå Bærums Verk IF.

Fullstendige resultatlister frå junior-NM ligg her.

Junior-NM i langrenn vart avslutta med stafettar på søndag 13.mars. Også her markerte Johannes Thingnes Bø seg sterkt med beste etappetid av dei over 150 juniorane som var på start. Laget frå Sogn og Fjordane bestod av Thomas Sørheim Evjestad, Gjøran Tefre, Johannes Thingnes Bø og Håvard Gutubø Bogetveit. Dei enda til slutt på ein fin sjuandeplass.