Idrettsgallaen:

Johannes Thingnes Bø nominert til "Årets gjennombrot"

Johannes Thingnes Bø er nominert til "Årets gjennombrot". Foto: Anders Vonheim, NC Geilo.

Johannes Thingnes Bø er nominert til prisen "Årets gjennombrot" på Idrettsgallaen 4. januar. Dette vart klart då juryen i dag la fram dei siste nominasjonane, opplyser NRK.

 Johannes Thingnes Bø fekk sitt internasjonale gjennombrot med dei to verdscupsigrane i skiskyting i Annecy, Grand Bornand no i desember. Med bakgrunn i desse resultata er han alt utteken til OL i Sotsij.

  Dei andre nominerte i klassen er: Tiril Sjåstad Christiansen, Caroline Graham Hansen, Tom Beier Jensen, Henrik Kristoffersen og duoen Are Strandli og Kristoffer Brun.

Så er det berre å følgje med på Idrettsgallaen på NRK 4. januar om det vert pris til Johannes denne gongen!

Vi gratulerer med nominasjonen!